Өз міндеттемелерін өтемеген бірде-бір «Болашақ» бағдарламасының стипендиаты жоқ - Ғ.Нығыметов
АСТАНА. ҚазАқпарат - Соңғы 3-4 жылда «Болашақ» бағдарламасының 10-15 түлегі елге келмей қалған.Бұл туралы бүгін Орталық коммуникациялар қызметінде өткен брифингте «Халықаралық бағдарламалар орталығы» АҚ басшысы Ғани Нығыметов мәлім етті.
«Стипендиаттардың міндеті: шетелде жақсы оқу және Қазақстанға оралу. Кепілдікке жылжымайтын мүлігі қойылады. Елге оралудан бас тартқан немесе басқа жоспарлары болған стипендиаттар бағдарлама аясында бөлінген қаражаттарды толықтай қайтарып, оның үстіне 10 пайыздық айыппұлды өтеп беруі тиіс. Өз міндеттемелерінен кетіп қалған бірде-бір стипендиат жоқ», - деп атап өтті ол.
Айта кетейік, 22 жылдың ішінде «Болашақ» бағдарламасымен 11 мыңнан астам түлек шетелде білім алып келді.
