Сарысулық ұстаздар Астанадан жүлдемен оралды
«Дарын» республикалық ғылыми-практикалық орталығы педагогикалық мамандықтың мәртебесін көтеру, дарынды балаларға арналған білім беру ұйымдары мұғалімдерінің инновациялық-практикалық қызметін, кәсіби шеберлігін дамытуға ықпал ету мақсатында қазан айында «Алатау» шипажайы базасында «Үздік авторлық бағдарлама» атты республикалық конкурс өткізді.Республикалық байқауға ауданнан, облыстан бірінші дәрежелі дипломды жеңіп алған Ж.Отарбаев атындағы орта мектептің биология пәнінің мұғалімі Кенжекүл Абдуллаева, бастауыш сынып мұғалімі Лаззат Сатмахановалар қатысып, білімдерін сынға салды.
Байқау қорытындысында екеуі де ұлағатты ұстаз екендігін танытып, Қазақстан Республикасы Білім және Ғылым министрінің ІІІ дәрежелі дипломымен және «Дарын» республикалық Ғылыми-практикалық орталығының сертификатымен марапатталды.
