Жамбылдық ұстаз «Алтын диск» байқауында жүлдегер атанды
«Өрлеу БАҰО» АҚ филиалы Қазақстан Республикасы Білім беру жүйесінің басшы және ғылыми-педагогикалық қызметкерлердің біліктілігін арттыратын республикалық институтқа 50 жыл толуына орай ағымдағы жылдың 26-27 қараша күндері информатика пәні мұғалімдерінің арасында V республикалық «Алтын диск» байқауын өткізді.Информатика пәні мұғалімдерінің кәсіби мәртебесін арттыру мақсатында өткізілген V республикалық «Алтын диск» байқауында Жамбыл ауданы Гродеково орта мектебінің информатика пәні мұғалімі Марал Туғанбаева ІІІ орынды иеленді.
Сонымен қатар, республикалық педагогикалық идеялар фестивалі өтті. Байқауда Жамбыл облысынан қатысқан 6 педагог қызметкердің барлығы (Қаратау гуманитарлық –техникалық колледжінің арнайы пән оқытушысы А.Шүленбаева – І орын, Құлан ауылшаруашылығы колледжінің кәсіптік ағылшын тілі пәнінің оқытушысы В.Майтанова – ІІ орын, Тараз қаласы, №33 балабақшаның ғылыми жетекшісі Ы.Керімбаева, №35 балабақшаның әдіскері А.Досымбекова – ІІ орын, Қордай ауданы, №4 орта мектебінің қазақ тілі мен әдебиеті пәнінің мұғалімі С.Бахрамова – ІІІ орын, Үш тілде оқытатын мамандандырылған дарынды балаларға арналған мектептің математика пәні мұғалімі А.Райымбек - грамота) жүлделі І, ІІ, ІІІ орындарды иеленді.
